POESIA DIALETTALE (Inviata da Giovanna Pino)

STA SSE BBICINA PASCA.

Sta se bbicina Pasca e le cummari tutte scumpijate allu furnu te lu 'Ntoni s'hannu prenutate.

"Senti cumpare 'Nntoni, vegnu versu menzatia?" tice a cummare Maria.

"Quattru, cinque ramiere m'hai lassare, ca'e pupe alle vagnone aggiu te fare.

 Le pupe, i taraddhuzzi e li caddhuzzi e pe lu Tore ne fazzu na scarcioppula, ci ole!".

Topu qualche istante, rriva a cummare Tunata. "Cumpare 'Ntoni, mie m'hai prenutata?

Ca oiu bbegnu propriu lunitia.

Aggiu ffare i mustazzoli pe la socra ta fija mia".

Cusì una pe una, nfilate, lu 'Ntoni le cummari ha prenutate.

E quannu è vennardia, ntulettate, le cummari alla chiazza su rrivate e tutte, una cu l'addha, s'hannu truvate.

"Cci ccatti tie?" tice a cummare Cia.

"Uh! Cummare! nna veste pe la fija , nu colficeddhu ccattu allu Tunatu e tegnu l'addhu ca vaie squasatu,

cusì visciu ci ne trou nu paru te scarpineddhi, te quiddhi ca suntu cchiui marcateddhi."

"Quannu è famija tocca ssacci fare, ca nu rrivesci e le cose su propriu care."

"Tici bbonu cummare mia! La vita è cara, nu se pò tirare e nu ssapimu cchiui comu imu ffare.

 Ma comu ete ete, tocca cu ccattamu, ca rriva Pasca e li fiji tocca lli mmutamu!"

 Poi nc'è li zziti culle zzite ttutti travajati ca intra l'oreficeria su rrivati.

Ci ne ccatta nnu neddhu o na fedina, l'addhu lu braccialettu o la catina.

Ci ngiri lu paese, poi, cci bbiti?

Ci tira tende, ci llava porte, ci llatta li pariti,

ci cullu Prontu lucida a mobilia, ci llava mattuni culla cira:

se face pulizia te mmane a ssira.

Ad ogni cosa viti lu splendore percè ha risuscitare Nostru Signore.

Ma topu tuttu quistu imu pinzare ca tutti n'imu scire a cunfissare;

 le cose vecchie tocca cu lassamu,

la vita nova tocca cu zziccamu.

Ttocca lassamu l'odiu e li piccati,

 ci ulimu ssimu tutti pardunati.

Cusì na bona cunfissione e nu bonu pentimentu e ogni core cu eggia cuntentu.

L'odiu e la vendetta li lassamu, na bbona Pasca a tutti n'auguramu.

Na bbona Pasca a tutti cull'allegria e intra a ogni casa regni l'armonia!.